Бугун вилоят ОИТСга қарши курашиш марказига Жиззах вилоятида таниқли қизиқчилардан бири Бегзод Хамро ташриф буюрди. Бегзод Хамро вилоятимиз чекка қишлоқлари бўлган Ғаллаорол, Бахмал, Фориш туман аҳолисининг шевасини, қишлоқларнинг ўзгача чиройини бутун Республикага танитиб инсонларга хуш кайфият улашиб келади. Бегзод Хамро хам бироз чўчиган ҳолда ОИВ инфекцияси ва вирусли гепатитларга тиббий кўрикдан ўтиб инсонларни соғлигига беэътибор бўлмасликка чақирди. Бегзод Хамро билан алоҳида сценарий асосида махсус ролик ишлаб чиқиш ва бутун ижтимоий тармоқлар орқали намойиш қилишга келишиб олинди. Яқин кунларда ушбу ролик оммага намойиш қилинади.